Það er auðvelt að stofna atburðí Manor. Þú smellir einfaldlega á bláa Stofna hnappinn og velur þar atburður.



Þá kemur upp á skjáinn gluggi til að skrá frekari upplýsingar um atburð.



  • Nafn atburðar er nafnið á atburðinum. Þú getur alltaf breytt því síðar.

  • Mál er valkvæður reitur en það er sniðugt að hengja atburð á mál ef það á við. Þá geta aðrir þátttakendur í málinu séð atburðinn og þú færð gott yfirlit yfir það sem hefur gerst í málinu.

  • Byrjar er upphafstími atburðar í tíma og dagsetningu. Gott er að velja nákvæma tímasetningu svo að áminningar virki sem best.

  • Endar er lokatími atburðar í tíma og dagsetningu.

  • Fyrri áminning er áminning sem þú færð inni í Manor. Ef þú ert hins vegar ekki við tölvu og sérð ekki áminninguna þá munum við senda þér tölvupóst og sms fimm mínútum síðar. Það er því gott að hafa netfang og farsíma rétt skráðan á prófílsíðunni þinni.

  • Seinni áminnig er í eðli sínu eins og fyrri áminning en gerir mögulegt að fá aðra áminningu á öðrum tíma.

  • Staður er staðsetning atburðarins.

  • Lýsing er lýsing atburðarins.


Þegar þú ert svo klár með skráningu á atburðinum þarf aðeins að smella á Vista atburð.


Yfirlit yfir alla atburði

Það er auðvelt að sjá yfirlit yfir alla atburðina þína á einum stað. Þú smellir á Atburðir í vinstri valmynd. Þar geturðu leitað með því að nota hraðsíu og þrengt niðurstöður með síum (e. filters) efst á síðunni.



Munu atburðirnir mínir sjást í Outlook?

Ef þú ert með Outlook tengingu virka þá munu þeir sjást í Outlook hér um bil samstundis.