Þægilegt er að greina rekstur fyrirtækisins með skýrslum í Manor. Skýrslur eru tvenns konar. Myndrænar skýrslur og gagnaskýrslur. Gagnaskýrslur eru mjög góðar til þess að nálgast gögn til frekari vinnslu eða þegar þarf að finna ákveðnar færslur eða annað þvert á mál, notendur o.fl. Til þess að nálgast gagnaskýrslur er farið í Skýrslur í vinstri valmynd og þar í Gagnaskýrslur.

Þá er hægt að velja ýmsar skýrslur. Veljum þar t.d. Tímar til þess að sjá allar tímafærslur hjá fyrirtækinu.

Hér má svo þrengja listann yfir tíma með margvíslegum hætti svo sem eftir:

• Greiðendum
• Málum
• Ábyrgðarmönnum
• Notendum
• Reikningsfært / óreikningsfært
• Ákveðin tímabil

Svo er alltaf hægt að taka töfluna, eins og hún er á hverjum tíma, út í excel formi með því að smella á hnappinn lengst til hægri.